Guides Pratiques aux usagers
Tarif des douanes- Décret n°2026-1256 Modifiant et complétant certaines dispositions du Décret 2008-668 portant régime de déplacement
- Circulaire n°02/2026-MEF/SG/DGBF/DPE
- Arrêté n°24235/2026 Fixant le taux des indemnités de déplacement temporaire auprès des villes en pôle de croissance
- Circulaire n°055 MEF portant préparation CDMT 2024-2026, décret n°2023-255 du 15 mars 2023 portant GIP, Manuel GIP du 31 mars 2023
Réformes
Nouveau
Liens utiles
Liens internes
Projet ARCEB
Statistique visiteurs
| Nb Visiteurs | |
|---|---|
| Total | 395466 |
Date de mise en ligne 20 Fev. 2019
.png)
|
FAMAKIANA NY TATITRA AMPAHIBEMASO 2020 Teboka fito lehibe no nanaovan’ny Sampam-pitsarana momba ny kaonty (Cour des comptes) fitsirihana nanomboka ny taona 2016. Sehatry ny fananan-tany, ny orin’asam-panjakanam-pitaterana an’habakabaka, ny logiciel Augure, ny harena ankibon’ny tany sy ny tontolo iainana ary ny fanarahana ny tsenam-baro-panjakana, ny lalàna mifehy ny teti-bola 2021, ny tanjon’ny fampandrosoana maharitra na Objectif de Développement Durable (ODD) ary ny famatsiam-bola ho an’ireo « Financement Politique » ; ireo no notsaingana manokana nandritra ny tatitra ampahibemaso 2020. Taorian’ny tatitra kosa anefa, raha nitafa tamin’ny tamin’ny mpanao Gazety Andriamatoa Richard RANDRIAMANDRATO, Ministry ny Toekarena sy ny Fitantanam-bola, dia nanindry teny manokana momba ny fampiharana ny Logiciel Augure izay handrindrana ny fitantanana ny mpiasam-panjakana. « Efa voalaza tamin’ny tatitra ampahibemaso teo fa nisy ny tsy fahatombombanana, toy ny fisian’ny mpiasam-panjakana ao anaty logiciel kanefa tsy ao anaty « Base Solde », na ihany koa mandray karama kanefa tsy anaty Augure. Efa andalam-panatsarana izany ny eo anivon’ny Ministera ary efa hiditra rahateo amin’ny Augure andiany faha - roa », hoy Andriamatoa Minisitra. Nampahafantariny ihany koa fa maherin’ny 400 ireo mpiasam-panjakana tsy mazava efa nahato tanteraka tamin’ny asany, ary mbola miisa 7 007 no mbola ho jerena akaiky ny momba azy. Mandray fepetra anaty mangaraharaha tanteraka ny Minisiteran’ny Toekarena sy Fitantanam-bola. « Ny tatitra natao anio dia hisaorana ireo Mpitsara fa mampiseho tokoa fa misy ny fangaharahana eo amin’ny filazana ny zava-misy marina eo amin’ny fitantanana ny raharaham-panjankana, ary mbola hitohy izany », hoy hatrany izy nanamafy. Anisan’ny teboka notsindriny ihany koa ny ezaka tokony atao mahakasika ny orin’asam-panjakanam-pitaterana an’habakabaka. Na dia sarotra aza dia efa nisy aloha ny vaha-olana mba ialàna amin’ny fifanarahana tsy zarizary efa nisy teo aloha, fa « isika samy malagasy ihany dia afaka mitady vaha-olana ho antsika ». Nampahafantariny ihany koa nandritra ny tafatafa niarahana tamin’ny mpanao gazety fa miroso milamina ny mahakasika ny Tetibolam-panjakana ka ny zoma na ny sabotsy ho avy izao no hodinihina ao amin’ny vaomiera fitambaram-be eo anivon’ny Antenimieram-pirenena izany. Farany, nanamafy Andriamatoa Ministra fa ny fanatrehany ny tatitra ampahibemaso nataon’ny Sampam-pitsarana momba ny kaonty teny amin’ny Fitsarana tampony notanterahina anio dia endrika iray mampiseho ny mangaraharaha eo amin’ny fitantanana ny volam-panjakana.
|
